بامسح حروفك
وباحرق رسايلك
وبانسى بدموعي
حكايتي وحكايتك
وباختار مدينة
بعيدة لقلبي
وسكّة ضياع
تنسّي خيانتك
في قلبي جراحك
بتعشق في جرحي
وانتي ف مدايا
بتنامي وتصحي
يتغيّر كياني
تتغيّر ملامحي
برغم اني فارقتك
برغم اني سبتك
وبامشي شوارع بعيدة
واتوه عن وجودك
ألاقي الخطتوي عنيدة
وترجع حدودك
ولسه بتعشق غرامك
ولسه بتنده لحبك
واخونك وابيعك
واخاصم دروبك
في مدينتي ودياري
تتجسد ملامحك
ماقدرش اداري
واعودلك تاني
وأعشق خيانتك
***
ليست هناك تعليقات:
إرسال تعليق