رثاء في وفاة صديقه عمري __كلمات /سحر متولي

_

لما يوم الشمس غابت 
خفت أللا ماترجعيش

تاني يوم طلت بنورها
شفتها وماشفتكيش

قلبي زار كل الاماكن
اللي فيها هواكي ساكن

دق نبضه بلهفه لكن
قالوا عنها ماتسأليش

ياللي مني وروحي منك
غصب عني وغصب عنك

يبقى بعدك عن عنيا
وعن فؤادي متغبيش

حفضل أبكي وأفضل أحكي
شاغله بالي وساكنه قلبي

لسه جوايا مشاعر
حب عمره ماينتهيش

ياللي كنتي جنب مني
رغم بعدك حارسه ضلي

الكلام بقى طعمه ماسخ
والصور باهته ومافيش

حد غيرك يوم شغلني
كل همي ياحته مني

غربتك أمحيها عني !!!
بعدك أنتي إزاي أعيش ؟

كلمات /سحر متولي