سالونى .بقلم.......كرم محمد

سالونى
سألونى ما قدرتش أجاوب
ايه من الغربة يا واد جايب

أقول انا جايب هم السنين
و ليالى نمت فيها حزين
كنت بنام و أكتم فى همى
و اخبى حتى يا ناس عن امى

سألونى ما قدرتش أجاوب
ايه من الغربة يا واد جايب

انا إللى ياما خبيت دموعي
ما بانت مره بره جفوني
و ياما سهرت كتير ليالى
بكلم نفسى و كمان خيالي

سألونى ما قدرتش أجاوبايه من الغربة يا واد جايب

انا إللى سبت بينكم حياتى
و سافرت و شايل شنطة اهاتى
و رجعت و لسه يا ناس شايلها
و شنطة دوا و الكل شايفها

سألونى ما قدرتش أجاوب
ايه من الغربة يا واد جايب

لو عايزين كل اللى جبته
تعالوا شوفوا اللى شفته
شفت سنين حيرة و مرار
لم نسيت طعم الهزار

ولدى كبر ما فرحت بيه
و لم جريت مره عليه
خاف منى و هرب لامه
عينيه بكيت ما عرفت أضمه

سألونى ما قدرتش أجاوب
ايه من الغربة يا واد جايب

#سألونى
#أشعار : كرم محمد