ما عاد تحرز ،،،،،،،،،،، بقلم ،،،،،،،،،،،،، راضي مشيلح

ما عاد تحرز
،،،،،،،،،،،،،،،،،،،،،،،،
طلبتي قصيدة غزل طلي تعي وشوفي
قديش كاتب الك اشعار ع رفوفي
ومن يوم انتي وانا كنا بعد صبيان
بقيتي بقلبي جرح نهده على دفوفي
وياما ع تختي سهرت مع لوعة الحرمان
وعنك لقلبي قلت بتحس بظروفي
بقيتي كأنك حلم عايش مع الوجدان
وساعة غيابك ع شكلي تبعثروا حروفي
وصفيت ضايع عمر مع عتمة النسيان
وما حصدت غير الصبر والشوق بكفوفي
واليوم يا حلوتي ولّى شهر نيسان

وصارت وراق العمر عالارض منعوفه
وما عاد تحرز نجي وننقز البستان
ونصبح حكايا ع تم الناس مكشوفه
خلّي خيالك معي تحت الجفن سهران
تا ظل انظم غزل في حبك الصوفي
،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح