حمامة. نوح ،،،،،،كلمات،،،،،،،،،، راضي مشيلح

حمامة. نوح 
،،،،،،،،،،،،،،،،،،،،،،،
تعا يا ليل هزهزلي سريري
بلكي غفيت وتريّح ضميري
عم شوف الدني وجّا تحرّق
ب نار الحقد ونفوس الحقيره
حتى الخي عن خيو تفرّق
والجيره اختفت ما ظل جيره
تا دمعي فوق خدي الزهر غرّق
وحرملي بسمتي تبقى سفيري
وتا يوعى البدر عم شوفو تسرّق
تا عنّو هالبشر ما تجيب سيره
وتا ارجع شوف غصن الحب ورّق
وتشفى جروح هالناس الفقيره
ناطر شوف طيف السلم شرّق
ع تمو بسمة الحب الكبيري
ويرجع طيرنا ل غصنو الموّرق
بمنقادو غصن زيتون يصرخ
طيري يا حمامة نوح طيري
،،،،،،،،،،،،،،،،،،،،،،،،،،،،،،،،،،،،،، ،،،،،،،، ،،،،،
راضي مشيلح