وباكتب كلامى بحنيه
وساعات أضيف بعض البوهارات
لأنى روحى مكويه
من بعض ناس مش فاهمنى
أبقى مجروح وهى سايبانى
قاعده بتضحك وتهيس
اقول للناس دى ايه تانى
كلامى كله من الواقع
ولاعمرى مره فكلمه كدبت
ولا شافنى وقال بايع
عشان حببها أنا اتعذبت
بكتب كلامى من قلبى
وكلمتى ماشيه فدربى
ازرع ورود تطرح أفراح
ومتعودتش أكون سلبى
واخد على نفسى الوعد
وعارفها هى قدم السعد
أكون لها حصن وحامى
ع اى حرامى أكون الرعد
وكلامى برضه إنسانى
دا مجنى مهوش جانى
كلامى ممكن يتلحن
وتسمعه شكل أغانى
كلامى مايوقفشى ف الزور
ب العكس يفتح طاقه نور
طب فكر واعقلها معايا
الحق أقوى ولا الزور
ليست هناك تعليقات:
إرسال تعليق