الدنيا غدارة ....بقلم ....عمر بنحيدي

الدنيا غدارة

الله الله الله
وما دايم غير الله
الدنيا غرارة
الدنيا غدارة
تجيك ف.صيفة مسرارة

مني طيح بين يديك
تفرح براسك
وتهنيه على الشطارة

انت تظن ملكتها
ولكن هي ملكاك
دايراك ف. الشكارة

مخلياك تجري
وعلى الربح تبري
تذوقك من العسل
و تشبعك مرارة

تجري وتلفت
ماتكلم ماتغوت
صابر للبرد ولحرارة
■ ■
ما داك الريح اللي جاء
قاومتي لعجاجة
خايف تولي فراجة
وترجع بالخسارة

صليتي و دعيتي
وعلى الخالق شكيتي
وليه توجهتي
يوريك لبشارة

هو مول القدرة.
بدون دوا يشفيك
من المرض تبرا
بلا طبا ولا عطارة

والى وفى لاجال
ما ينفع معاه تسنى
او عندي لحصانة
لبي النداء بكل رضى
وبلا حزارة

فين جدود لجدود
كولهم دخلو للحود
ليه وحدو لخلود
سعدات الناس الخيأرة.
انتهت
عمر بنحيدي 14/2/2019