أيوة بحب ...........بقلم..........محمد عبد الحافظ

أيوة بحب
بعد ما ذهقت مالأحلام
حبيبتى قابلتنى فى الحقيقة
وكانت جريئة...فى كلامها
قالتلى..إياك من تانى تنام
كفايه..عدى مننا كتيير
قمت على الحقيقة
كأنى برضه بحلم
بس المرة دى
حلم جميل...
قمت مسكت إيديها
وضربت بإيدها خدى
بصتلى وقالت..موش مصدق
قوم دوق طعم الهوى من منبعه
قوم لليل البعد شاورله وودعه
قالت كمان...
أنا إللى سعيدة وبحلم
ولا حد فى الكون قدى
حلمت إنك حقيقة..
وإنت بين إيديا وحدى
صدق قلبك وقله..
زمن الأحلام إنتهى
سكت الكلام..سكت
والحواربين قلبها وقلبى
آه بحب....إرتاحو بقى
وجوايا حب وإحساس
يكفو كل الناس...
أيوة بحب..أيوة
مهو لوعرفتو حبيبتى
كنتم عذرتونى..
وتركتونى براحتى وبدون ملام
هى إللى علمتنى يعنى إيه غرام
ويعنى إيه حب وهيام
وإزاى الصبر يكون جميل
لما يكون القرب والبعاد
بالوعد وحساب الأيام
هى علمتنى...
إن الحب أغلى من كل حاجة
والحب يعنى السلام
ولما القلوب تتلاقى
يسكت اللسان عن الكلام
هى إللى علمتنى ..إزاى أتنفس
أنا وهية من رئة واحدة
وإننا شركا حتى فى الأحلام
هى إللى عرفتنى..
أن الليل لينا أحنا بس
وباقى الليل للعوام
ولما أهاديها...
أجيبلها أغلى حاجة
موش بسأل بكام
لما حبيبتك ياقلبى
عنيها ديوان شعر
إتكتب من زمان
من قبل الأوان
أنكتب وأترسم أنسان
حبيبتك يا قلبى...
إتخلقت مرة واحدة
عنيها أجمل عيون تكون لواحدة
ولا الجفون..والرموش وسحرهم
وليلهم ولا السكون...
كفاية شعر ووصف
كفاية تعبت..
وكام مرة يا قلبى مالحب هربت
وكفية تدور فى كل جملة وحرف
وكام مرة نمت وحلمت
مكتوب علينا عذابك يا حب
ما ينفعش يعنى ألاقى حبيبى
كدة ومن غير عذاب؟
ولا علشان ليا قلب؟
ولا علشان عايش بإحساسى
هو يعنى لو ماحبيتش هخس؟
ما هو كل الناس عايشة من حس
ومع بعضهم عادى..
حتى من غير نفس
بلا حب بلا تعب قلوب
ياريت يا قلبى عن الحب تتوب
بتقول حبيبنك...
اااااه.. يا قلبى
بتعرف تاخدنى لنقطة ضعفى
بتعرف تترجم إحساسى يا قلبى
وعودتنى أعمل بطل
وأنا من جوة بدارى وخبى
عارف أنى معاها بكون..
عارف.. وبلاقى معاها نفسى
يا قلبى وحياة حبيبك
تانى ماتبين لحبيبى
شوقى وضعفى..لانى بحب
أيوة بحب...
محمد عبد الحافظ