عاشق السكوت ...... بقلم ..........محمد عبد الحافظ

عاشق السكوت
بعد حبك..
بقيت أعشق السكوت
وأفضل ملازمك..
وأستنى كلمة تقوليها
ممكن منى تعدى تفوت
وألاقى قلبى قبل منى
ينطق ويصرخ فى بعدك
بأعلى صوت...
إنت رسمك جوة قلبى
إنت حبى وأملى..
إللى فيه بأعيش..واموت
بعد حبك ..
كل الحاجات متغيرة
حبيتها أكتر..
كلها عنك معبرة
كلها منك صورة مصغرة
حاجات ساكتة زيى انا
حاجات برضه بتعشق السكوت
أضحك لهم وقلبى معاك
وأنسى إنهم بيكلمونى
وأدايق منهم..
علشان عن التفكير فيك
بيعطلونى..
وحاجات كتير شبه كدة
لحد ماتعودونى..
بقيت بالنسبة لهم لغز
عايزين يفهمونى
أختارلى مكان بعيد
أقعد أراجع كل كلامك
كلمة كلمة من جديد
وأغمض وأسرح هنااك
وأروح فى دنيا تانية وياك
امسك إيديكى..
أبص فى عنيكى..
تاخدنا الخطاوى بفرحة
أشيل بإيديا أنا الطرحة
وأصحى...
ألاقيهم بينادو عليا
بيضحكو من أحلامى دية
حبيبى تعبت أحلام..
تعبت كلام..
أنا بعشق السكوت
محمد عبد الحافظ