نبض القلب حروف تتكلم ~~~~~بقلم~~~~~~~ ياسر مهدى عمرو

روحي حبيبتي انا صاين عهدي
حبك ديما ساكن عندي
حافضل عايش ذكرى هوانا
لحد ما ترجعي حاوفي بوعدي

بس بلاش الغيبه تطول
روحي في غيبتك راح تتحول
حتي بلاش تبعدي عن قلبي
تخلي النبض كمان يتجول

ليه يرضيكي اعيش محروم
وكنت باشوفك يوم ورا يوم
ليه تبعدي عن قلب يحبك
قربك ليا دا شيئ مقسوم

قلبي مراقب ليكي وعارف
شاهد نبضه كمان واهو شايف
كل ما عني بتبعدي اكتر
يوم ورا يوم انا عايشه وخايف

خايف اعيش الدنيا لوحدي
اناجي الليل بدموعي و وجدي
خايف اغمض عيني اشوفك
روحتي بعيد عن دقة قلبي

روحي خلاص انا قلبي مسلم
دمع عنيا ماهوش متكلم
قلبي حيفضل ساكن ضلعي
روحي كمان مش راح تتألم

بس بلاش تبعدي عن قلبي دا اكتر
طبعا حاسه انا فيكي بافكر
قلبي وعدني يبطل نبضه
وقت غيابك مش بيهزر

ياسر مهدي عمرو