أمى...الشاعر/ عبد الحميد طير البر

أمى يا شمعه منوره
نور بهاك بكل مكان
بطنك شالتنى تسـعه
بين الضلوع بأمـــان

ورضعتينا فى مهـــدنا
أدب الاصول وحنـــان
و سهرت معانا واحنا
بنكبر ونعـــاند الأيام

حسيت بقلبك فرحـــان
بسند على الحـــــيطان
و قبل ما أقع تسمـــــى
تخدينى بالاحضـــــان

ولولاك أمى ما كان
لنا إسم أو عـــنوان
وياما سهرت ليالــى
لما تشوفينى تعـبان

تسقينى شهد المــــحبه
وحكايه قبل مـــــا انام
وعرفت منك يا غـاليه
أحلى معانى الكـــــلام

روحك يا أمى شمعــه
بتنور لنا الوجــــــدان
تطل من عينيكِ فرحه
لما تشوفينى فرحـان

البدر يبقى خــــــدودك
لو قولت بابا كمــــــان
ما المولى وصى عليك
قبل الزمان بزمـــــان

وتحت رجليك يا أمـى
جنه إسمها الـــــريـان
عرفت منك يا روحـى
إزاى أكون إنســـــــان

ومع مـــــــــرور الايام
قلبك علينا سهـــــــران
تسمع خطاوى الاقــدام
ترتاح وتدخل تنـــــام

وكل ما تمر الليالــــى
حبك يزيد بكيانـــــــى
ومكانك يبقى القـــــلب
والروح داخل وجدانى

إزاى أوفـــى جمايلك
ياروحى إنت وكيانى
قولى وقلبى سمعـــك
قولى يا أحلى الأمانى

الشاعر/ عبد الحميد طير البر