آه يادنيا لما تزيدي في الوجع
لا عادش فيكي مرتجع
أنا دمعي دم ع الخدود
والليل طويل
ونهار مافيه ؟ إحساس وجود
رغم الوعود
لساكي برضه مدمنة
كل أنواع الخصام ؟
كل الحروف المؤلمة
حق اللجوء كان مستحيل
والفجر لم يطرح فرح
بس انطرح لبلاب ألم
من غير قيود
وموج وعطشان للغرق
من غير قانون يحمي الغريق
الحلم كان بركان حريق
وأنا إللي فيه ؟
كما العابر سبيل
من غير سند
واتوحدت
بدع البعاد المؤلمة
أرجوك يا صبر إرحل بقى
مبقتش محتاجك خلاص
ماعاد أماني ممكنة
ممنوع على دمعي الخلاص
غير أنه يكون صخر وحجر
الموت بينده للتابوت
وأنا كل نبضة فيا اتحنطت
بقى قلبي عاشق للخلود
بعد الموات المنتظر
بدون أي صوت
تفاصيل وجود الطيف كمان
اتبحرت فوق الورق
أشلاء بقى
وكأني عايش متهم
مستني حكم ومشنقة
وطريق سراب كله غيوم
فين بكره راح منه الأمل ؟
الروح كمان اتكومت
جنب الجدار ف نهار عدم
ولاعاد تفيد لحظة ندم
ف بقيت شهيد تحت المطر
وخريفي ضلل ع الملامح كلها
ولا عاد خلاص طالب شموع
مدمن بقى للذكريات
أو أي لحظة ممكنة
يظهرها طيفك ف السكات
والحلم عدى وفات خلاص
والباقي منه صداه رنين
بترن في القلب النحاس
رغم الأساس يادنيا كان
نبض قلبك كله ماس
واتملكه الإحساس ندم
دأنا كنت ليكي من الخدم
في محراب خيال
واتحولت
أطلال صروحي لعنكبوت
وإنتي إللي ف إديكي الروموت
لساه وعاشق للسكوت !!!
حسيتها مش فارقة خلاص
عندك يادنيا للخلاص
ف متزعليش
أنا قلبي برضه إبن موت
متصدقيش كل البدع
ولا عاد لعمري مرتجع
ماهو راح زمان المعجزات
ف خلاص بقى
ما تدمعيش
ماهو مستحيل قلبي إللي مات
يرجع يادنيا عشان يعيش ... !!!!
------'-------
من ديوان أنين الشهد والعلقم
أحمد طليس شاعر
ليست هناك تعليقات:
إرسال تعليق