وحظّـى أسير فى أوجاعى
وكاس المُـر بِـعشقنى
وليل الحزن بِـهوانى
ما شفت النور فى عز نهار
ولا كلمه لأتباعى
******
أنا جذورى فى أرض النيل
بترويها كاسات الصبر
أنا سرداب فى ضلمة ليل
أنا عنوان لباب القبر
*****
أنا جذورى فى أرض النيل
وأغصانى هواها الشام
أنا عيونى اللى ما يتسهر
ولا بتنام
أنا اللى وافقت اكون خدام
أنا اللى وافقت ابيع عمرى
بأى كلام
أنا المسجون وانا السجَّـان
وانا اللايم وانا المتلام
*****
أنا اللى رسمت صورة وهم
فى الأحلام
أنا اللى سنينى توبها اسود
من الأوهام
*****
أنا صابر
أنا مسلم ومش كافر
لا أنا مُـلحِـد ولا فاجر
*****
أنا كسوفى اللى أحيانا
يبكِّـينى
أنا اللى دموعى ما بتهربش
من عينى
*****
أنا رحّـال
أنا جوال
أنا فلاح
أنا سواح
أنا اللى فى نفسى يوم
ارتاح
*******
شاعرالقريه
فيصل بدر
ليست هناك تعليقات:
إرسال تعليق