كنتي القشه اللي نجتني
في وسط النار
وكنتي الحضن اللي يحميني
وانا في الغار
وكنتي الفرحه واللمه
وكنتي الهزار
ولما الدنيا متسعنيش
كنتي انتي الدار
كنتي السفينه اللي عدتني
من الطوفان
كنتي القلب اللي لما احتجله
يساع اوطان
كنتي شمعه في دنيتي
نورها اقوي من النهار
وحشيني يا اللي كنتي
اقسم بان الحب انتي
بشوف ملامحك في الوشوش
كأن كل البشر انتي
كل لما اقول نسيتك
قلبي يصرخ يقول كداب
كل متقولي بحبك
قلبك يصحيني علي الفراق
غريق في بحر حبك
عاش بيحلم بالنجاه
يا قلبي بترجاك تفوق
متصدقش اللي بتهواه
مهما تدور في السراب
مش هتوصل للي بتتمناه
معقوله مع برأه الحب
يغدر
يكسر قلب كان دواه
وحشتيني يا اللي كنتي
ياريتك لقلبي كنتي صنتي
برغم البعادبينا
مش قادر اقول ان انتي
خونتي
كنتي كل حاجه حلوه
كنتي العيله في لمتها
بس خلاص دلوقتي سبتي
فبعد مكنت بقول حببتي
دلوقتي بقول عليكي
كنتي
#عبدالله_العقاد
ليست هناك تعليقات:
إرسال تعليق