قهوة سادة --بقلم ..أحمد طليس

قهوة سادة
--------------- 
من سنين قالولي أحلم 
من سنين مستني بكره 
إلتقيت كام بكره عدا 
وإللي حاسو إني بأندم
قالوا هتحقق في حلمك
إلتقيت الحلم ذكرى
كان في راسي ألف فكرة بس راحوا
كل فكرة للزمان كات بتترجا سماحو
والأنين المخفي فيا
ليه ماراحشي زي أحلامي ماراحو
والدموع إللي ف عنية
تحت رمشي وخدي فاحوا
كل لحظة تعيد علية
صدمة من حرفين ف سطري
لما غصبن عني باحوا
كنت فاكر إن أمسي
راح يعدي كان في نفسي
إلتقيته ف قلبي ساكن
راح شغل كل الأماكن
راح مصاحب كل يأسي
راح بياخد عقلي مني
إللي كان دايما في درسي
كنت أقول دايما يا روحي
نفسي مرة بس تنسي
كنت أتمنى حقيقي
إني أعيش لو لحظة نفسي
رحت داير وحدي ساقية
مهما لفت دنيا بيا
كنت فاكر
راح هترجع بيا ترسي
فوق شطوط رمشك حبيبتي
وف عنيكي دليل لحيرتي
كنت حاسس ياملاكي
إنك إنتي سنين هلاكي
مهما كنتي لي حورية
وأللا بدر في حلمي إنتي
حتي طيف ف خيال بنيته
جيت بإديكي تهدي
ولما شمسي مني غابت
كل نبضة ف قلبي ماتت
رحت عايش فيا ساكت
وإنتي راجعة طالبة ودي
للفاضل مني بعدي
كنت فاكرك حلم وردي
إلتقيتني خيال مآتة
وإلتقيت عندك عادة
حزن فاض مني زيادة ؟
قهوتي اللي كات زيادة ؟
رحت وحدي أشربها سادة
كل هامش كان ف روحي
راح يفور من دمع نوحي
يعني تيجي أو تروحي
عاجزة عن ترميم جروحي
يبقى ليه راجعة لي تاني
بعد ما خسرت ف رهاني
لما قلبي كان يراهن
ع الحنان إللي ف ضلوعك ؟
ولما كلي عشت فيكي ؟
رحتي فاردة لي ف قلوعك
تهت وحدي ف كون عنيكي
ما إلتقيت لي دليل لنوعك
إلتقيتك كام فصيلة
فوق كتافي جبال وشيلة
ويا قلبي ف سهدي وحدي
طول سنيني معذباني
دابحة قلبي كل ليلة
مش لاقي لي أي حيلة
حتي أهرب بيها منك
وأللا أبعد بيها عنك
مانتي عارفة جوه ظنك
إن روحي بيكي طايرة
مهما عشت عذاب وحيرة
وإن نبضي القلب عندي
عمره يوم أبدا ماقال لي
خلاص كفاية نفض سيرة
مانتي سيرتي في الخلايا
كل لحظة خيال معايا
يعني مش فارقة حبيبتي
تكون بدايتي أو نهايتي. ....!!!!!
--------------
 أحمد طليس شاعر