موالي .........بقلم.........زغلول الطواب

يا بت ياللي شعرك 
ميدي على بني
العيون نعسانه 
ومكحله الرمشي
الخدود متلونه 
بالأحمر الوردي
شفايفك حبتين كريز
طابوا من بدري
قوامك غصن البان
يا عيني على نحالة
الخصري
سايقه الدلال
برنة الخلخال
لما تتبغددي وتمشي
هدي الخطوه يا حلوه
لساه النهار بدري
تعالي بينا نتمشى
على شط النيل
ونتمشى عالكوبري
تمشية المغارب
ليها مئآرب
عندي أنا ف نفسي
نتسم هوا العصاري
وأهديكي ورده حمرا
من البلدي
عشقتك يا بت
ومين غيرك يحس
بأشواقي ودقات قلبي
ليلاتي أسهر
أعد النجوم أستناكي
تيجي وتطلي
يعدي الليل
وييجي النهار
وأنتي ما تعدي
لو تعرفي
طول الأنتظار
بيعمل أيه يا بت
ف قلبي
بيخليه يدق ويفط
وكأنه هينط هيخرج
من ضلوع صدري
عايز يروحلك يا حلوه
يقولك أحلى غنوه
تدغدغ مشاعرك
تصحي دقات قلبك
يمكن تتعطفي وتحني
أرحمي يا بت عذاب ذلي
دالعشق ويا الأشواق
نار بتلهلب جوايا وبتغلي
لمسه من إيديكي
تسقيني الحنان وتروي
يكفيكي عطش الظمئآن
لما يكون ولهان
وقاتله الغرام
كيف الدم
ف شراينه بيسري
الحب ويا البعد نار
كيف الجمر
جوا القلب يكوي
وحيات عيونك النعسانه
نظره يا بت عشان خاطري
أرحمي عذاب قلبي
موالي
زغلول الطواب